Aáyan ògbufọ̀,Ewì |

November 18, 2018

Aáyan ògbufọ̀ Sùúrù (Orin Démíanù ọmọ Málì àti Ọba Náàsì) Patience (ft. Nas)Damian Marley

Ẹsẹ̀ Kiní

Àwọn kan nínú àwọn òpònú tó jáfáfá

Ò kúkú le ka èdè àwọn Mùmíyà Íjíbítì

Wọ́n gbéra pá o di’nú òṣùpá

Àmọ́ wọn ò le rí oúnjẹ fún inú t’ebi npa.

Wọn kò náání àwọn ọ̀dọ́

Ṣùgbọ́n wọn n ṣe’tọ́jú àwọn ẹranko inú súù

Tori pe Ìjímèrè ló ń p’owó tabua wọ’lé

Bí àwọn oníròyìn ṣe ń jà wá l’ólè rèé o,

Àwọn ara oko l’ábúlé ni wọ́n fi ń hàn wá lorí tẹlifísàn

Bẹẹni, àwọn onímọ̀ sáyẹ́nsì ò kúkú le ṣàlàyé àwọn òkò Ijíbítì.

Àjíhìnrere ń rí ounjẹ òjọ́ọ rẹ látara fídíò egungun àwọn ọmọdé ti’yà n jẹ

Ṣèbí èyí sì ni àwòrán náà – òjé àwòrán ti wọn fi ń jẹ wa.

Wọ́n ra ṣòkòtò kakí

Wọ́n sọ ar’awọn di Indiana Jónsì lójijì

Bi wọ́n ṣe ń jí wúrà, pẹ̀lú àwọn ìwé, bẹẹ ni wọn n jí àwọn egungun tí a ti sín pẹ̀lú.

Àwọn wèrè paparásì tí mo ti rí àti àwọn tí mo mò

Wọn a gbé àwòrán ti kò suwọ̀n jù kí aráye ba lè ri,

Àwòrán tí ò suwọ̀n yìí sini wọn yío ma fihàn

Kí àwọn ti o wà ní ìwọ̀-oòrùn ma le lo si ìlà-oòrùn

Kí ọ̀kàn wọn sì balẹ̀.

Ẹranko náà n lo òjé fun wọn

Àmọ́ ibo ni wọn yío salọ nígbà ti èèmọ̀ bá dàgbà?

Àwọn ìran Sólómọ́nì ti wọn ò le ṣẹ́gún tí wọn kò le ṣẹ̀dá

Ohun ìṣẹ̀dá ẹ̀mi mi ti ma fí ayérayé ní, Olúwa.

Kórọ́ọ̀sì

Sabali, Sabali, Sabali, yonkontê

Sabali, Sabali, Sabali, kagni

Ni kêra môgô x2 (Èdè Bàmbàrà)

Ẹsẹ̀ Kejì

Ṣé wọ́n bi wa l’áláìmọ̀kan ni, àbí wọn bi wa taati m’àmọ̀n tán

Ṣe à ń dàgbà si ni, àbí a kàn ń gùn bí àkùkọ Sáúdí

Ṣé ẹyin le m’èrò ọ̀kàn? Ṣẹ’le wo àtẹ́lẹwọ́?

Ṣé ẹ le sọ ohun tí ó ṣẹlẹ̀ bó d’ọ̀la? Ṣẹ’le r’íjì, b’ó ń bọ̀?

Wọ́n ní ayé tẹ́ lọ, pé bẹ’rìn títí, ẹ ó d’ópin ẹ̀

Nísinsìnyìí wọn l’áyé ti rí rogodo bi bọ́ọ̀lù àfẹsẹ̀gbá

Tí ṣéepù rẹ̀ bá tún yipadà l’ọ́la, gbogbo èèyàn a tún bú s’ẹ́rin.

Ọmọ ènìyàn ò le fì’dí ǹkan tó yàn lati maa sọ múlẹ̀

Bẹẹ sì ni, kò tún ni ṣe ìwádí láti fi ìdí òtítọ́ múlẹ̀.

Àwọn ọ̀jọ̀gbọ́n fáfitì l’áwọn gbọn, wọn l’áwọn m’òye

Ṣùgbọ́n ẹ sọ fún wọn kí wọ́n wa ògùn sínsín

Ìgbà yẹn ni wọ́n a maa y’ọkun ní mú.

Àwọ́n olówo a màá rán ‘rawọn papọ̀ bi wọn bá ṣè’ṣe

Bẹẹni, àwọn kan ti ń fi àmọ̀ lásán làsàn wo eegun tó ti kán l’ábúlé.

Ṣẹ́ le r’íran? Ṣẹ ẹ le wò’ràwọ̀?

Ṣẹ́ le jẹ k’aláafià jọba? Ṣẹ le jagun?

Ṣẹ́ lè fún wàrà mààlú, bótilẹ̀jẹ́pe ẹ n wa ọkọ̀ ayọ́kẹ́lẹ́?

Nísinsìnyìí, ṣẹ le jà’jàbọ́? Ní gbogbo ọ̀nà?

Kórọ́ọ̀sì

Sabali, Sabali, Sabali, yonkontê

Sabali, Sabali, Sabali, kagni

Ni kêra môgô x2 (Èdè Bàmbàrà)

Ẹsẹ̀ Kẹ́ta

Ta ló kọ Bíbélì? Ta ló kọ Kùránì?

Àti pé, ṣe ìjì àrá lo bí ayé ni?

Tí a wá bí àwọn dáínosọ̀?

Ta ló kọ́ gbọ́n’gbọ́n ọ̀rọ̀? Ta ló kó òǹkà jọ?

Àti pé irú ẹ̀fún wo gan an ló ń di ọmọ ènìyàn?

Gbogbo ǹkan tó ń bẹ l’áye là ń pamọ sínú angolo, sínú máikirowéèfù

Ṣèbí, kò sí b’oṣelè rí kó’rí a da.

Kíni ènìyàn? Kíni ènìyàn a bìdí yàn àn yán? Kíni ọmọ adárí-hurun?

Gbogbo ohun tó wà l’órilẹ̀ la ń jẹ l’ajẹrun, là ń dìlítì.

Ba a fẹ ṣe bébà,

A gbọdọ̀ ni ilẹ̀, a gbọdọ̀ ní ìsàrè oko tó pọ̀.

Ṣè bi ìyẹn ló múmi jòkó fẹhìntì bi Jáàkì Níkólósìn

Tí mò n wò wọ́n bí wọ́n ṣe ń t’ayò bi àwọn Lékàsì.

Ní ayé tó kún fún àwọn asọ̀rọ̀ maṣebẹ́,

Àwọn awòràwọ̀, àwọn abókúsọ́rọ̀ àti àwọn àyájọ́ tó dájú.

Ǹjẹ́ ìwọ́ gbàgbọ́ nínú àwọn agbára àìrí? M’úyọ̀ ki o dàá kọjá èjìká rẹ sẹ́yìn

Ko wá wúre fún ọjọ náà.

Bẹẹ l’ẹnìkan mú ère fún mi

Ló n ki abẹ́rẹ́ bọ̀ mí l’ọ́kàn

Ṣùgbọ́n èèwọ̀, kò le è wọlé

Lẹ́ẹ̀kọ̀kan, a ma dàbí ìgbà tó ba ń wọlé, ṣùgbọ́n ẹ̀mí mi yi

Ẹ̀rù ò bàmí o…ẹ̀rù ò b’odò.

Má ṣe rò pé o le gbá ẹ̀mí mi mú

Nítorí o dà bi jagun jagun ni láti ọmọ ọdún méje.

Emi tí mo ti gbá àwọn òkú ènìyàn mú pẹ̀lú ọwọ mi

Ti mo mọ bó ṣe tútù to, àbí

Kílodé tí wọn ti ẹ̀ fi bí wa gan an naa

Nígbà tó ṣe pé, gbogbo wa làá padà wá d’ìlẹ̀pa?

Kórọ́ọ̀sì

Sabali, Sabali, Sabali, yonkontê

Sabali, Sabali, Sabali, kagni

Ni kêra môgô x2 (Èdè Bàmbàrà)

Eléyìí jẹ́ àyọkà láti inú ìwé Àtẹ́lẹwọ́ Pelebe, ẹ le rí kọ́pì yín rà lóri Okada Books.

Ọ̀rẹ́dọlá Ibrahim Àjàtóntìrìàjàbalẹ̀ jẹ́ akẹ́kọ́ gboyè ìmọ̀ òfin láti ilé ẹ̀kọ́ gíga fáfitì Ìbàdàn. O jẹ́ ọmọ bíbí ìlú Òmù-Àrán ní ìpínlẹ Kwara nibi tí o ti ni àǹfàní láti kọ́ púpọ̀ nípa iṣe àti àṣà Yorùbá l’ọ́dọ̀ ìyá bàbá rẹ̀ – Alhaja Mọ́ríamọ̀ Ayélàágbe Ọ̀rẹ́dọlá. Ìlú yìí nàá ni o ti lọ ilé-ìwé alákọ́bẹ̀rẹ̀ ati girama níbi tí ó tún ti ní àǹfàní àti kọ́ nípa ẹ̀kọ́ Yorùbá láti ọ̀dọ̀ àwọn òlùkọni tó dágánjíá tí wọ́n sì tún múnádoko pẹ̀lú. Ó k’ẹ́kọ́ jádé ní ilé ẹ̀kọ́ girama Government Secondary School Òmù-Àrán gẹ́gẹ́ bí akẹ́kọ́ tó yege jù lọ ní èdè Yorùbá. Fún ìgbà dìè, Ibrahim ti ṣe ìwọ̀nba iṣẹ́ gẹ́gẹ́ bi Oníṣòwò kékeré, o sì tún jẹ́ Akéwì, Òǹkọ̀wé, Oníròyìn àti Òṣèré Akẹ́kọ́ ní èdè gẹ̀ẹ̀sì àti ní èdè Yorùbá. Ibrahim jẹ́ ara àwọn òlùdásílẹ̀ Ẹgbẹ́ Àtẹ́lẹwọ́, ilé iṣẹ́ SkillNG àti ìwé ìròyìn orí afẹ́fẹ́ ThePageNg. Ìwé lítírésọ̀ Yoruba tí ó fẹ́ràn jùlọ ni Eégún Aláré láti ọwọ́ Láwuyì Ògúnníran. Ibrahim jẹ́ olùkáràmáisìkí ìmọ̀ àti orúkọ rere, o sì tún gbàgbọ́ pé owónikókó. Ẹ lè kàn si ni ibrahimoredola@gmail.com tàbi lóri 07061282516.

Ẹni Ayé ń Yẹ | Azeez Ọláìyá Yusuff

Ẹ̀rọ Omi àti Ẹ̀rù | Mof’Ólúwawò O MojọláOlúwa

Sùúrù (Orin Démíanù ọmọ Málì àti Ọba Náàsì) | Ọ̀rẹ́dọlá Ibrahim

atelewo

Ẹsẹ̀ Kiní

Ẹsẹ̀ Kejì

Ẹsẹ̀ Kẹ́ta

Leave a Reply Cancel reply