Igbawole - Àtẹ́lẹwọ́

Ẹ káàbọ̀ sí àpèrè Àtẹ́lẹwọ́ níbi tí a ti ń ṣe àfihàn onírúurú ìṣẹ́ ọ̀nà ọ̀rọ̀ eléyìí tí a kọ/sọ ní èdè Yorùbá àti àwọn àwòrán tí ó jẹ mọ́ ìṣe àti àṣà Yorùbá.

Gẹ́gẹ́ bí àjọ tó dé láti yí ǹkan padà, ÀTẸ́LẸWỌ́ wá láti ṣe àtúntò àti ìgbélárugẹ èdè àti àṣà Yorùbá pẹ̀lú àwọn àfojúsùn wọ̀nyìí:

Láti pèṣè ibi tí àwọn akẹ́kọ̀ọ́ àti ọ̀dọ́ leé máa kópa pẹ̀lú oríṣiríṣi ẹ̀yà àṣà àti ìṣe Yorùbá látàrí ìdíje, ẹ̀kọ́, ìfọ̀rọ̀jomítoro ọ̀rọ̀ ati ṣíṣe ìpàdé déédé.
Láti ṣe àgbékalẹ̀ ibi tí a ti má ṣe àkọsílẹ̀ àti ìpamọ́ òye àṣà Yorùbá ìgbà àtẹ̀yìnwá àti láti máá lo ìmọ̀ ẹ̀rọ ìgbàlódé fún ìdàgbàsókè àṣà wa.
Tí ta àwọn èyàn jí sí ìfẹ́ lítíreṣọ̀ Yorùbá latàrí ṣiṣe ètò ìwé kíkà, jíjẹ kí ìwé lítíreṣọ̀ Yorùbá wà nlẹ̀ fún tità àti ṣíṣe àtẹ̀jade àwọn oǹkọ̀wé titun ní èdè Yorùbá.

Ní ìbámu àwọn àfojúsùn wa náà ni a ṣe gbé àpèrè yìí kalẹ̀ láti fún àwọn òǹkọ̀wé Yorùbá ní àǹfàní àti gbé iṣẹ́ wọn jáde láì mú ìdàmú dání.

Àkókò Àtẹ̀jáde

Àwọn àkókò tí a ó máa gbé àwọn iṣẹ́ tí ẹ bá fi sọ wọ́ sí wa náàni: Oṣù kẹ́ta (Erénà), Oṣù Kẹfà (Okúdù), Oṣù Kẹsàn-án (Ọwẹ́wẹ̀) àti Oṣù Kejìlá (Ọ̀pẹ́). Èyí túmọ̀ sí pé a ó fi oṣù méji fi gba iṣẹ́ àwọn òǹkọ̀wé wọle, a ó sì máa gbe jádé ní oṣù kẹ́ta àti bẹ́ẹ̀ bẹ́ẹ̀ lọ.

Àkókò Ìfiránṣẹ́

Àwọn oṣù tó kù yàtọ̀ sí àwọn oṣù àtẹ̀jáde òkè yìí.

Irúfẹ́ Iṣẹ́ Tí À Ń Gbà

Ewì
Eré Oníṣe
Àròkọ
Àwòrán
Ìfọ̀rọ̀jomitoroọ̀rọ̀

Ìtọ́sọ́nà

Gbogbo ìṣẹ́ tí ẹ fi ń ṣ’ọwọ́ sí wa gbọ́dọ̀ jẹ́ ojú lowo ìṣẹ́ ti yín alára.
Ẹ má ṣe fi iṣẹ́ yín ránṣẹ́ ní ọ̀nà kíkà PDF, àì jẹ́ bẹ́ẹ̀, a kò ní gbée jáde
Gbogbo Olùfiránṣẹ́ gbọ́dọ̀ fi àlàyé díẹ̀ nípa wọn ránṣẹ́ papọ̀. Àlàyé nípa òǹkọwé yìí kò gbọ́dọ̀ ju ọ̀rọ̀ igba (200 words) lọ.
Fídíò tàbí ọ́díò lórí ewì, ẹ̀ṣà abbl kò gbọ́dọ̀ ju 50mb lọ́
Ní ti Àwòrán, kò gbọ́dọ̀ ju 5mb lọ.
Ní báyìí kò tíì sí owó sísan fún àwọn òǹkọ̀wé tí a bá gbé jáde
Ẹ fi gbogbo isẹ́ yín ránṣẹ́ sì méélì wá ni atelewo.org@gmail.com

Fún aláyè síwájú si nípa ohun k’ohun tí ó ní ṣe pẹ̀lú Àtẹ́lẹwọ́, ẹ kàn sí wa ni +2348188222304 or +2347061282516.